վերջին նորություններ

նորություններ

03.08.2011 Ապարանի ամառային առողջարանային ճամբարը Orange-ի աջակցությամբ արդեն երկրորդ անգամ ընդունում է աուտիզմով երեխաների
Orange-ի և «Արաբկիր» Միացյալ մանկական բարեգործական հիմնադրամի միջև ռազմավարական համագործակցության շրջանակներում ԱրԲեՍ Ցերեկային բուժման կենտրոնի և վերջինիս մարզային վերականգնողական մասնաճյուղերի խնամքի տակ գտնվող երեխաներն այս տարի ամառային հանգիստն անցկացնում են Ապարանի ամառային առողջարանային ճամբարում:

30.07.2011 Ավազանի բնակիչներն արդեն ունեն համայնքային կենտրոն
Այսուհետ Գեղարքունիքի մարզի Ավազան գյուղի բնակիչներն ունեն հաճելի ու հարմարավետ վայր համայնքային հանդիպումների, համերգների, ինչպես նաև համայնքի բնակիչների կյանքում կարևորություն ունեցող միջոցառումների` հարսանիքների և այլ ընտանեկան տոների համար: Գյուղում բացվեց վերանորոգված համայնքային կենտրոն, որի վերականգնման ու կահավորման աշխատանքներն իրականացվել են Orange Հիմնադրամի, «Շեն» բարեգործական հասարակական կազմակերպության և CHF-ի ֆինանսական աջակցությամբ:

22.07.2011 Orange-ը ներկայացնում է նոր գներ HTC սմարթֆոնների և Samsung ու Sony Ericsson հեռախոսների բազմաթիվ մոդելների համար
Այսօր Orange-ը ներկայացրեց նոր` զգալիորեն ավելի ցածր գներ HTC սմարթֆոնների և Samsung բազմաթիվ մոդելների հեռախոսների համար: Ըստ այդմ, արդեն այսօր առավոտից ընկերության խանութներում կիրառվում են հետևյալ գները.

22.07.2011 Այս ամառ անվերջ խոսելու հնարավորություն Orange Խոսենքի բաժանորդների համար
Այսօրվանից մինչև օգոստոսի 31-ը Orange Խոսենք «Իմ ընկերները», «Իմ երկիրը», «Իմ համարները» և «Իմ ժամանակը» սակագնային պլանների բաժանորդները կունենան Orange-ի բոլոր բաժանորդների հետ անվերջ խոսելու աննախադեպ հնարավորություն 7 օրվա ընթացքում` միանվագ վճարելով ընդամենը 500 դրամ:

20.07.2011 WiFi ինտերնետ Երևանի կանգառներում
Այսօրվանից Երևանի հանրային տրանսպորտի 5 կանգառներում կարելի է անվճար օգտվել ինտերնետից WiFi ցանցի միջոցով:

18.07.2011 HTC սմարթֆոններն արդեն հայերեն են «հասկանում»
Orange Care-ը տեղեկացնում է, որ այսուհետ կարելի է HTC Desire HD և Desire Z սմարթֆոններով կարդալ նաև ինտերնետային հայերեն էջեր, ինչը նախկինում անհնար էր: Դեռևս մի քանի ամիս առաջ, ականջալուր լինելով իր բաժանորդների անհանգստություններին` Orange-ը դիմել էր իր պաշտոնական գործընկեր HTC ընկերությանը` խնդրին լուծում տալու խնդրանքով, որի արդյունքում այսօր արդեն երկու սմարթֆոններ «հասկանում են» հայերեն տեքստերը:

15.07.2011 Orange-ն առաջարկում է լավագույն սակագինը Վրաստանում ռոմինգի համար
Orange-ն այսօր հայտարարեց ռոմինգի մուտքային զանգերի նոր սակագնի մասին: Մինչև սեպտեմբերի 15-ը Orange-ի բոլոր ձայնային ծառայությունների բաժանորդների համար մուտքային մեկ րոպեի արժեքը կլինի ընդամենը 40 դրամ, որը լավագույն գնային առաջարկն է շուկայում: Սակագնից օգտվելու համար պարզապես անհրաժեշտ է ակտիվացնել ռոմինգը մեկնելուց առաջ, իսկ որևէ հավելյալ կոդ հավաքելու կամ լրացուցիչ ակտիվացումներ կատարելու կարիք չկա:

13.07.2011 Orange Հիմնադրամը կաջակցի տեսողության խանգարումներ ունեցողներին
Այսօր Orange Հիմնադրամը հայտարարեց իր առաջին բարեգործական ծրագրի մասին: Հիմնադրամը մեկնարկում է համագործակցություն Հայկական ակնաբուժության նախագծի (ՀԱՆ) հետ, որով վերջինիս ֆինանսական աջակցություն կցուցաբերի: Առաջին ծրագիրը, որը կյանքի կկոչվի այս համագործակցության շրջանակներում, 2011թ. օգոստոս-սեպտեմբեր ամիսներին Շիրակի մարզում իրակակացվելիք անվճար ակնային զննումներն են մարզի բոլոր բնակիչների և բուժումները` սոցիալապես անապահով մարդկանց համար:

11.07.2011 Մեկնարկեց Orange գրքի մրցույթը
Յուրաքանչյուր ժանրում հաղթող ճանաչված ստեղծագործությունը կհրատարակվի առանձին գրքով, 500 տպաքանակով: Մրցույթի հաղթողները կհայտարարվեն նոյեմբերի 11-ին կայանալիք մրցանակաբաշխության ժամանակ:

01.07.2011 Բարի լույսը փոխվում է Orange-ի հետ

Մինչև հուլիսի 31-ը` ամեն օր առաջին միջազգային SMS-ը` անվճար

29.06.2011 Օրը փոխվում է Orange-ի հետ
ընկերությունը ներկայացնում է իր նոր ստորագրությունը և խոստանում դառնալ իր բաժանորդների ուղեկիցը թվային աշխարհում

27.06.2011 «Բարև ամառ». ամառային նվերներ Orange-ում
Այսօրվանից մինչև օգոստոսի 29-ը Orange Խոսենք բաժանորդները, ամեն անգամ միանվագ լիցքավորերով հաշիվը 1000 և ավելի դրամով, ձեռք կբերեն հնարավորություն ստանալու «բարև ամառ» ամառային նվերներից մեկը: Ամեն շաբաթ ամառային անակնկալ նվեր կստանա 100 բաժանորդ` յուրաքանչյուր 500-րդ լիցքավորողը: Նվերների ամառային հավաքածուն ներառում է բրենդավորված շապիկներ, պանամաներ, սպորտային գլխարկներ, պայուսակներ, ծովափնյա աթոռակներ, արևային ակնոցներ և այլն:

20.06.2011 Orange-ը Երաժշտության տոնի գլխավոր հովանավորն է
Հայաստանում Ֆրանսիայի Դեսպանության և ՀՀ Մշակույթի նախարարության նախաձեռնությամբ հունիսի 21-ին Հայաստանում արդեն վեցերորդ անգամ կնշվի Երաժշտության տոնը: Արդեն երկրորդ տարին է, ինչ երաժշտության տոնին միանում է Orange-ը` որպես գլխավոր հովանավոր:

18.06.2011 Հայտնի են դարձել ԲԱՑ ԽԱՂ համակարգչային խաղերի հաղթողների անունները
Այսօր ավարտվեց Ինֆորմացիոն Տեխնոլոգիաների Ձեռնարկությունների Միության (ԻՏՁՄ) և «Orange Արմենիա» ընկերության նախաձեռնած «ԲԱՑ ԽԱՂ» համակարգչային խաղերի նախագծման Հայաստանի բաց առաջնությունը, որն անցկացվում էր առաջին անգամ:

16.06.2011 WiFi ինտերնետ հանրային ավտոբուսներում
Այսօրվանից Երևանի քաղաքային տրանսպորտի հինգ ավտոբուսների ուղևորները կկարողանան անվճար օգտվել Wi-Fi ինտերնետ` Երևանի քաղաքապետարանի և Orange-ի այսօր մեկնարկած պիլոտային նախագծի շրջանակներում: Հիմնականում ուսանողների երթևեկը ապահովող հինգ երթուղիները սպասարկող ավտուբուսներում տեղադրվել են Orange MyFi 3G/Wi-Fi մոդեմներ, որոնք ստեղծում են շարժական Wi-Fi տարածք և հնարավորություն են տալիս միաժամանակ ցանցին միացնել հինգ սարք` սմարթֆոն, նեթբուք, պլանշետ և այլն:

15.06.2011 Ռոմինգի բացառիկ սակագներ Orange Գոտու երկրներում, Վրաստանում և Թուրքիայում
Ամառային արձակուրդներն արտերկրում անցկացնող բաժանորդների համար Orange-ն այսօրվանից սահմանում է ռոմինգի բացառիկ սակագներ: Հունիսի 15-ից մինչև սեպտեմբերի 15-ը Orange Գոտու երկրներում, Վրաստանում և Թուրքիայում մուտքային զանգերի մեկ րոպեի արժեքը կլինի ընդամենը 55 դրամ:

14.06.2011 Orange-ը մեկնարկում է աքսեսուարների նոր հավաքածուի վաճառքը
Orange Care-ի շրջանակներում Orange-ը հարստացրել է հեռախոսների և նոթբուքների համար նախատեսված աքսեսուարների հավաքածուն: Այսուհետ Orange-ի 78 խանութներում կարելի է ձեռք բերել ոչ միայն հեռահաղորդակցության ծառայություններ, հեռախոսներ և նոթբուքներ, այլ նաև աքսեսուարների ամբողջական շարք` հեռախոսների և նոթբուքների պայուսակներ ու պատյաններ, լիցքավորման լարեր, Bluetooth սարքեր ու տվյալների պահպանման քարտեր, ուժեղացուցիչներ և ականջակալեր, մկնիկներ, վեբկամներ, ինչպես նաև հատուկ աքսեսուարներ հեռախոսները մեքենայում կամ ջրում օգտագործելու համար:

09.06.2011 Orange-ն ընդլայնել է ծածկույթը Հայաստանի մայրուղիներին
Orange-ն ընդլայնել է ծածկույթը Հայաստանի միջպետական նշանակություն ունեցող հյուսիսային և հարավային մայրուղիներին` Երևանից մինչև երկրի սահմանները` նպատակ ունենալով ապահովել գերազանց կապ ինչպես զբոսաշրջիկների, այնպես էլ հայաստանցիների համար, որոնց այցելությունները դեպի Հայաստանի տարբեր մարզեր բազմապատկվում են ամառային ամիսների ընթացքում:

07.06.2011 Orange Արմենիան միանում է IPv6 ինտերնետ արձանագրության Համաշխարհային օրվան
Orange Արմենիան միանում է Internet Society կազմակերպության նախաձեռնությանը` հունիսի 8-ին մասնակցելու և և աջակցելու IPv6 արձանագրության Համաշխարհային օրվան: Սկսած հունիսի 8-ից` ընկերության պաշտոնական կայքը` www.orangearmenia.am, հասանելի կլինի ինչպես IPv4, այնպես էլ IPv6 արձանագրությունների միջոցով (IP – ինտերնետ արձանագրություն):

06.06.2011 Orange-ը հիշեցնում է լիցքավորել հաշիվը, եթե քարտի վավերականության ժամկետն ավարտվում է հունիսի 6-ին
Orange-ը հիշեցնում է իր այն բաժանորդներին, ում քարտի ակտիվ վավերականության ժամկետն ավարտվում է հունիսի 6-ին, լիցքավորել հաշիվը` այդ ամսաթվից հետո զանգեր կատարելու համար: