Նոր տարին սկսում է նոր անակնկալներով

Orange­ն այսօր մեկնարկեց նոր յուրահատուկ առաջարկ իր կանխավճարային բաժանորդների համար: Ամեն անգամ լիցքավորելով հաշիվը 500 և ավելի դրամով` “Խոսենք” ծառայության բաժանորդները հնարավորություն կստանան 31 օրվա ընթացքում զանգահարել Orange-ի բոլոր բաժանորդներին 1 դրամ/րոպե, իսկ տեղական այլ ցանցեր` ընդամենը 30  դրամ/րոպե սակագնով:

Ի հավելումն այս նոր աննախադեպ սակագների` Orange-ի բաժանորդները, հաշիվը լիցքավորելով 500 և ավելի դրամով, ձեռք կբերեն հնարավորություն ստանալ Nokia, Samsung կամ Alcatel մոդելների 100 հեռախոսներից մեկը: Իսկ նվերներ կստանան շաբաթվա ընթացքում յուրաքանչյուր 1000-րդ լիցքավորումը կատարած բաժանորդները: Այսինքն` նույնիսկ եթե բաժանորդն այս շաբաթ չի դարձել 1000-րդ լիցքավորողը, նա հաջորդող շաբաթների ընթացքում ունի նույն հնարավորությունը` դառնալու շաբաթվա հաջողակներից մեկը:

Ամեն երկուշաբթի Orange-ի աշխատակիցները կզանգահարեն հաջողակ բաժանորդներին և կտեղեկացնեն վերջիններիս նվերների մասին: Երևանի բնակիչներն իրենց նվերը կարող են ստանալ Orange-ի գլխավոր խանութից, իսկ մարզերի բնակիչները` իրենց մարզային Orange խանութից: