նորություններ

Orange-ը ներդնում է վաճառքի նոր մեթոդներ բաժանորդների սպասարկումը կատարելագործելու նպատակով 03.02.2012

Orange-ը ներդնում է վաճառքի նոր մեթոդներ բաժանորդների սպասարկումը կատարելագործելու նպատակով

Այսօրվանից Orange-ի մի շարք խանութներում կներդրվեն վաճառքի ու սպասարկման նոր մեթոդներ, որոնց նպատակն է կատարելագործել բաժանորդների սպասարկումը, հեշտացնել ու համակարգել վաճառքի խորհրդատուի կողմից բաժանորդի կարիքների բացահայտումը և խորհրդատվությունը: Նոր էլեկտրոնային գործիքը, որն արդեն ներդրվել է Orange-ի խանութներից 10-ում, մոտակա շաբաթների ընթացքում կկիրառվի բոլոր խանութներում` տալով Հայաստանի բոլոր մարզերում գտնվող խանութներին սպասարկման ու խորհրդատվության նույն հնարավորությունները:

«Մենք բազմիցս ենք նշել, որ մեր ընկերության համար արդյունքների ամենակարևոր ցուցանիշներից մեկը որակի ցուցանիշն է` ինչպես ցանցի, կապի, բիլինգի ու գանձման, այնպես էլ սպասարկման որակը: 2011թ-ին հսկայական աշխատանք է կատարվել այս բոլոր ուղղություններով, որի արդյունքները մեր բաժանորդները զգում են ամեն օր և որի մասին մենք մշտապես ստանում ենք նրանց արձագանքը: Սակայն ինչպես ասում են, չի կարելի կանգ առնել, նույնիսկ առաջատարի դիրքերում: 2012թ.-ի մեր առաջնային նպատակներից է կատարելագործել բաժանորդների սպասարկման ու խորհրդատվության որակը, անել և առաջարկել ավելին, քան նրանք սպասում են: Այս նոր մեթոդի կիրառումը այս ուղղությամբ մեր աշխատանքի քայլերից մեկն է միայն», ասաց Orange-ի գլխավոր տնօրեն Բրունո Դյութուան:

Նոր էլեկտրոնային գործիքը, որն այսուհետ կկիրառեն Orange-ի վաճառքի ու սպասարկման աշխատակիցները, հնարավորություն է տալիս կարճ ու արագ հարց-պատասխանների միջոցով բացահայտել հաճախորդի կարիքները` հիմնվելով վերջինիս հեռահաղորդակցային սովորությունների, հիմնական կոնտակտների, ամսական նախատեսված միջին ծախսի և այլ գործոնների վրա: Այս տվյալները լրացնելուց հետո համակարգն առաջարկում է ամենահարմար տարբերակը բաժանորդի համար, ինչպես նաև գտնում է վերջինիս կարիքներին ամենահամապատասխան մոդելի հեռախոսը:


բոլոր նորությունները

առցանց վճարում

վճարեք Ձեր հաշիվն առցանց
ArCa
ezetop QIWI

առցանց օգնություն

ստացեք Ձեր հարցերի պատասխաններն առցանց մուտք

հեռախոսի կարգավորումներ

Կարգավորեք Ձեր հեռախոսի ինտերնետ և MMS ծառայություններն այստեղ

ինտերնետ խանութ

Ամենամոտ Orange խանութն ինտերնետ խանութն է: Գնումներ կատարեք անմիջապես այստեղ

իմ Orange էջը

անհատ բաժանորդներ
կորպորատիվ բաժանորդներ
մուտք