Orange-ի բաժանորդներն այսուհետ կարող են հեռուստահաղորդումներ դիտել իրենց բջջայինով

Այսօր Orange-ն իր բաժանորդներին ներկայացրեց Orange TV բջջային հեռուստատեսության ծառայությունը, որն այսուհետ թույլ կտա նրանց անմիջապես իրենց բջջայինի էկրանին դիտել 16 տեղական և արտասահմանյան հեռուստաալիքներ 5 լեզուներով:

Orange-ն առաջարկում է առաջին բջջային հեռուստատեսությունը Հայաստանում, որը հնարավոր է դիտել ոչ միայն 3G, այլ նաև 2G հեռախոսների միջոցով, և որը հասանելի է պատկերի բարձր հստակության HD որակով:

Orange TV-ի շնորհիվ բազմաթիվ հեռուստաալիքներ հասանելի են դառնում  Հայաստանի բնակչության գրեթե 85%-ի համար, ովքեր գտնվում են Հայաստանի ամենաընդարձակ գերժամանակակից 3G+ ցանցի ծածկույթի ներքո:  

Orange TV ծառայությունը հասանելի է անմիջապես Orange Աշխարհ WAP պորտալից (wap.orangearmenia.am): Ծառայության ակտիվացումն անվճար է Orange-ի ձայնային ծառայությունների բոլոր բաժանորդների համար: Վճարումը կատարվում է միայն օգտագործված շարժական ինտերնետի ծավալի դիմաց` ըստ կիլոբայթերի, համաձայն բաժանորդի սակագնային պլանի:

Orange TV ծառայության մանրամասներին, ինչպես նաև փաթեթում ներառված հեռուստաալիքների ցանկին կարելի է ծանոթանալ www.orangearmenia.am/mobile/services/entertainment/Orange-TV/ էջում: