Ձեր Orange հաշիվը կարող եք լիցքավորել.

• 75 Orange խանութներում
• ավելի քան 6000 կրպակներում և այլ խանութներում, ինչպես նաև` Երևան Սիթի, Սթար, և SAS սուպերմարկետներում
• ArCa համակարգի բոլոր բանկոմատներով
• TelCell, Tandem վճարման տերմինալներով
• Հայփոստի ավելի քան 900 բաժանմունքներում Հայաստանի բոլոր քաղաքներում և գյուղերում
• հետևյալ բանկերում`

Ամերիաբանկ

Առէկսիմբանկ-Գազպրոմբանկի խումբ

ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ

ԱՐԱՐԱՏԲԱՆԿ

Կոնվերս Բանկ

Յունիբանկ

ՎՏԲ-Հայաստան Բանկ

ՀԱՅԷԿՈՆՈՄԲԱՆԿ

Արդշինինվեստբանկ

ԷՅՉ-ԷՍ-ԲԻ-ՍԻ Բանկ

Զարգացման Հայկական Բանկ

Անելիք բանկ

ՊրոԿրեդիտ բանկ

Ինեկոբանկ

Արցախ բանկ

Հայբիզնես բանկ

Orange-ի վերալիցքավորման քարտերը

վավերականության ժամկետներ

Մենք գիտենք, թե ճամփորդելիս որքան կարևոր է կապի մեջ մնալ ընտանիքի անդամների և ընկերների հետ: Այժմ Դուք կարող եք վերալիցքավորել Ձեր հաշիվը կամ կատարել այլ վճարումներ արտերկրում գործող QIWI, ezetop և Intercoopbank-ի INTEREXPRESS վճարման համակարգերի միջոցով: 

QIWI-ն հուսալի վճարային համակարգ է, որը հնարավորություն է տալիս կատարել վճարումներ Orange ծառայությունների համար կայքի և տերմինալների միջոցով: QIWI վճարային համակարգը ունի ավելի քան 100.000 տերմինալներ Ռուսաստանում և ավելի քան 20.000 տերմինալներ ԱՊՀ երկրներում:

ezetop-ը վճարման համակարգ է, որը հնարավորություն է տալիս արտերկրում գտնվելիս առցանց լիցքավորել Ձեր հաշիվը: ezetop համակարգով առցանց վճարումներ կատարելու համար անհրաժեշտ է գրանցվել www.ezetop.com կայքում և հետևել համապատասխան հրահանգներին: Առցանց վճարումներն ընդունվում են Mastercard և Visa քարտերով, ինչպես նաև PayPal համակարգի միջոցով: 

Intercoopbank-ի հիմնական ծառայություններից մեկը` ֆիզիկական անձանց INTEREXPRESS վճարման միջազգային համակարգի միջոցով վճարման տարբեր գործիքներ և ծառայություններ տրամադրելն է: 

Intercoopbank-ն ունի մոտ 70 000 սպասարկման և վաճառքի կետեր Ռուսաստանում և ԱՊՀ երկրներում (Ուկրաինա, Վրաստան, Տաջիկստան և այլն), ինչպես նաև ԱՄԷ-ում և Չեխիայում: 

Ռուսաստանում գտնվելիս Դուք այսուհետ կարող եք լիցքավորել Ձեր Orange հաշիվը INTEREXPRESS վճարման համակարգին միացված CyberPlat և Lider վճարման տերմինալներով, ինչպես նաև Intercoopbank-ի մասնաճյուղերում և բանկոմատներով: Վճարման հնարավորությունների մանրամասն հասցեներին կարող եք ծանոթանալ այստեղ:

Այժմ հնարավոր է լիցքավորել ձեր հաշիվը նաև «Մոբիլնի Էլեմենտ»-ի (Мобильный Элемент) վաճառասրահներում և տերմինալների միջոցով, որն ունի ավելի քան 2.000 վճարման տերմինալ Մոսկվայում, Սանկտ-Պետերբուրգում և այլ հարակից մեծ քաղաքներում: Դուք կարող եք վերալիցքավորել ձեր հաշիվը նաև INTEREXPRESS վճարային համակարգի գործընկեր Ռապիդա-ի միջոցով, Մոսկվայի վարկային բանկի (МКБ - Московский кредитный банк) ավելի քան 4.000 տերմինալների և բանկոմատների, ինչպես նաև «Ռուսկի ստանդարտ» (Русский стандарт) բանկի բանկոմատների միջոցով:

Հետվճարային և ամսական բաժանորդագրությամբ (ձայնային հեռախոսակապի և շարժական ինտերնետ ծառայությունների) բաժանորդները այսուհետ կարող են վճարել Orange-ի ծառայությունների համար բանկի միջոցով՝ առանց բանկ այցելելու՝ պարբերական վճարումների ընդունման ծառայության (այսուհետ` Ծառայություն) շնորհիվ:

Ծառայությանը կարող եք գրանցվել այցելելով Orange-ի ցանկացած խանութ կամ Բանկի* մասնաճյուղ՝ ներկայացնելով հետևյալ փաստաթղթերը.

• պատշաճ կերպով լրացված և ձեր կողմից ստորագրված պարբերական վճարումների հանձարարական-դիմումը,
• ձեր բանկային կամ քարտային հաշվեհամարը,
• այլընտրանքային հեռախոսահամար,
• ինչպես նաև այլ փաստաթղթեր, որոնք կարող են պահանջվել Բանկի կողմից:

Ծառայությունն ակտիվանում և դրա մատուցումը սկսվում է ձեր կողմից պարբերական հանձնարարական-դիմումը ստորագրելու ամսվան հաջորդող ամսվա 11–ից, իսկ ոչ աշխատանքային օրվա դեպքում` դրան հաջորդող աշխատանքային օրը:

Յուրաքանչյուր ամիս ձեր էլեկտրոնային փոստի հասցեին ուղարկվելու է հաշիվ` հաշվում նշված ամսվա ընթացքում Օրանժ Արմենիայի կողմից մատուցված շարժական ծառայություններից օգտվելու համար: Այս հաշվի հիման վրա Բանկն իրականացնում է հաշվում նշված պարտքի գումարի ելքագրում` հաշիվը ստանալու ամսվա 11-րդ օրվանից սկսած: Եթե գումարը ելքագրելու պահին ձեր հաշվին չկան բավարար միջոցներ, ապա Բանկն իրականացնում է պարտքի գումարի ելքագրում մինչև տվյալ ամսվա վերջին աշխատանքային օրը ներառյալ` օրական կատարելով ելքագրման մեկ փորձ: Գանձումը կատարելուն պես դուք կստանաք կարճ հաղորդագրություն(SMS): Դուք կարող եք վիճարկել կամ առարկություններ ներկայացնել Orange-ի կողմից ձեզ ներկայացված հաշվի վերաբերյալ` Orange-ի կողմից սահմանված կարգով և պայմաններին համապատասխան: Ելքագրված գումարի հետ համաձայն չլինելու դեպքում, դուք կարող եք զանգահարել Բանկ, ստանալու համար տեղեկատվություն ելքագրված գումարի վերաբերյալ:

Խնդրում ենք ի նկատի ունենալ, որ Բանկն իրավասու է իրականացնել պարտքի մնացած գումարի ելքագրում` Ձեր հաշվին բավարար միջոցներ լինելուն պես, մինչև պարտքի գումարի ամբողջական մարումը:

Եթե փոխում եք բանկը և/կամ ձեր բանկային հաշիվը, ապա դուք պետք է դադարեցնեք տվյալ Բանկի կողմից մատուցվող Ծառայությունը և կրկին ստորագրեք պարբերական հանձնարարական-դիմում՝ նոր բանկային տվյալներով: Տվյալ գործողությունները կարող եք կատարել Orange-ի խանութներից մեկում կամ ձեր բանկի ցանկացած մասնաճյուղում:

Դուք կարող եք հրաժարվել ծառայությունից՝ ցանկացած պահի այցելելով Orange-ի խանութ կամ Բանկի մասնաճյուղ: Բանկը դադարեցնում է Ծառայության մատուցումը` Ծառայությունը դադարեցնելու վերաբերյալ դիմումը ձեր կողմից ստորագրելու ամսվան հաջորդող ամսվանից: Ծառայությունը դադարեցնելու համար անհրաժեշտ է լրացնել համապատասխան բանկի դիմումի ձևը և կցել անձնագրի պատճեն: Ծառայության մատուցումը դադարեցվում է նաև ձեր բանկային հաշվեհամարի փակման դեպքում, սակայն, անկախ Բանկի կողմից ձեր Ծառայության մատուցման դադարեցման պատճառից, դուք պարտավոր եք անձամբ ճշտել ձեր պարտքն Orange-ի նկատմամբ և պատասխանատվություն եք կրում այն ժամանակին վճարելու համար` թույլ չտալով դրա կուտակումը:

*Ծառայությունը հասանելի է հետևյալ 5 բանկի միջոցով՝

• ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ
• ԱՐԱՐԱՏԲԱՆԿ
• Կոնվերս Բանկ
• ՎՏԲ-Հայաստան Բանկ
• ՀԱՅԷԿՈՆՈՄԲԱՆԿ