Orange Դելֆին, Պանտերա և Թիթեռ ամսական բաժանորդագրությամբ ծառայությունների սակագնային պլանն ընտրում եք բաժանորդային պայմանագիրը կնքելիս:

Դուք կարող եք ցանկացած պահի անվճար փոխել Ձեր Orange Դելֆին, Պանտերա կամ Թիթեռ սակագնային պլանը այլ Orange Դելֆին, Պանտերա կամ Թիթեռ սակագնային պլանի` պարզապես այցելելով Orange խանութ, ստորագրելով համապատասխան դիմում/համաձայնագիր կամ հավաքելով *111# և հետևելով հրահանգներին, իսկ եթե ունեք բացասական հաշվեկշիռ կամ այլ պարտքեր` նաև վճարել համապատասխան գումարը: Նոր սակագնային պլանը կսկսի գործել փոփոխությունը կատարելու օրվան հաջորդող ամսվա 1-ից, սակայն բացասական հաշվեկշռի սահմանաչափը` ըստ նոր սակագնային պլանի, սկսում է գործել սակագնային պլանը փոխելուց անմիջապես հետո: Եթե Դուք ձեռք եք բերել Orange Դելֆին, Պանտերա կամ Թիթեռ սակագնային պլանների համար նախատեսված բացառիկ գնով բջջային հեռախոս և ունեք դեռևս չավարտված պարտավորություն, ապա ավելի ցածր սակագնային պլանի անցնելու համար անհրաժեշտ է վճարել բաժանորդային պայմանագրով սահմանված գումարները և տուգանքը: Ձեր առկա սակագնային պլանը Դելֆին, Պանտերա կամ Թիթեռ սակագնային պլաններից որևէ մեկով փոխարինելու դեպքում բացառիկ գնով բջջային հեռախոսների առաջարկից կարող եք օգտվել միայն սակագնային պլանի փոփոխությանը հաջորդող ամսվա 1-ից: Orange Դելֆին, Պանտերա կամ Թիթեռ սակագնային պլանների միջև փոփոխությունների դեպքում սակագնային պլանի մեջ ներառված րոպեները, գումարը, SMS-ները և ՄԲ-երը չեն փոխանցվում:

Անցում Orange Ամեն ամիս 4000, 6000, 10000 սակագնային պլանից Orange Դելֆին, Պանտերա կամ Թիթեռ սակագնային պլանների

Եթե Դուք օգտվում եք Orange Ամեն ամիս 4000, Ամեն ամիս 6000 կամ Ամեն ամիս 10000 սակագնային պլաններից և ցանկանում եք դառնալ Orange Դելֆին, Պանտերա կամ Թիթեռ սակագնային պլանների բաժանորդ, ապա անհրաժեշտ է այցելել Orange խանութ, ստորագրել համապատասխան դիմում/համաձայնագիր, իսկ բացասական հաշվեկշռի կամ այլ պարտքերի դեպքում նաև վճարել համապատասխան գումարը:

Orange Դելֆին, Պանտերա կամ Թիթեռ ամսական բաժանորդագրության ծառայությանն անցում կատարելու դեպքում փոփոխությունը կսկսի գործել փոփոխությունը կատարելու օրվան հաջորդող ամսվա 1-ից, իսկ նոր սակագնային պլանին համապատասխան գումարային սահմանաչափը կիրառվում է դիմումի/համաձայնագրի ներկայացման ամսաթվից:

Եթե Դուք բացասական հաշվեկշիռ չունեք և Ձեր հաշվեկշռին ունեք չսպառված գումար (կատարած հավելյալ լիցքավորում), ապա այդ գումարը չի զրոյացվում և փոխանցվում է Ձեր հաշվեկշռին: Չօգտագործված ամսավճարը չի փոխանցվում Ձեր հաշվեկշռին:

Անցում կատարելիս պահպանվում են Ձեր կուտակած բոնուսային միավորները, դրական հաշվեկշիռը, ավտոմատ ակտիվացված առաջարկները, Ձեր ընտրած սիրելի համարը, ինչպես նաև ակտիվ ծառայությունների փաթեթները, որոնք նախատեսված են նաև Orange Դելֆին, Պանտերա կամ Թիթեռ սակագնային պլանների համար:

Orange Ամեն ամիս 4000, Ամեն ամիս 6000 կամ Ամեն ամիս 10000 սակագնային պլաններից Orange Դելֆին, Պանտերա կամ Թիթեռ սակագնային պլաններին անցնելու դեպքում այլևս հնարավոր չէ ետ անցում կատարել Ամեն ամիս 4000, Ամեն ամիս 6000 կամ Ամեն ամիս 10000 սակագնային պլաններին:

Անցում Orange Դելֆին, Թիթեռ կամ Պանտերա սակագնային պլանից Orange Բիզնես ծառայության

Եթե ցանկանում եք դառնալ Orange Բիզնես ծառայության բաժանորդ, նախ անհրաժեշտ է լուծել Ձեր Orange Դելֆին, Պանտերա կամ Թիթեռ ամսական բաժանորդագրության ծառայության բաժանորդային պայմանագիրը, ապա Բիզնես փաթեթի պատասխանատուի համաձայնությամբ ընդգրկվել փաթեթում կամ կնքել Orange Բիզնես ծառայության նոր բաժանորդային պայմանագիր: Անցում կատարելու համար անհրաժեշտ է վճարել առկա բացասական հաշվեկշիռը և այլ պարտքերը: Փոփոխությունն ուժի մեջ է մտնում համապատասխան փաստաթղթերը ստորագրելու պահից: Այս դեպքում ամսավճարը ենթակա է ամբողջությամբ գանձման:

Orange Դելֆին, Պանտերա կամ Թիթեռ սակագնային պլանից Orange Բիզնես ծառայության անցնելիս եթե Դուք բացասական հաշվեկշիռ չունեք և Ձեր հաշվեկշռին առկա է դրական մնացորդ (կատարած հավելյալ լիցքավորում), ապա այդ գումարը չի զրոյացվում և փոխանցվում է Ձեր անհատական ենթահաշվին: Orange Թիթեռ-ից անցում կատարելու դեպքում չօգտագործված ամսավճարը չի փոխանցվում Ձեր անհատական ենթահաշվին:

Կուտակված բոնուսային միավորները, ակտիվ ծառայությունների փաթեթները, ավտոմատ ակտիվացված առաջարկները և սիրելի համարն ապաակտիվացվում են: Նշենք նաև, որ Orange Դելֆին, Պանտերա կամ Թիթեռ սակագնային պլաններից Orange Բիզնես ծառայության անցնելու դեպքում հնարավոր է, որ Ձեր հեռախոսահամարը ժամանակավորապես (1 աշխատանքային օր) ակտիվ չլինի:

Անցում Orange Դելֆինից, Թիթեռից կամ Պանտերաից Orange Խոսենք ծառայության

Եթե Դուք Orange Դելֆին, Թիթեռ կամ Պանտերա սակագնային պլանների բաժանորդ եք և ցանկանում եք դառնալ Orange Խոսենք ծառայության բաժանորդ, ապա անհրաժեշտ է այցելել Orange խանութ, ստորագրել համապատասխան դիմում/համաձայնագիր, բացասական հաշվեկշռի կամ այլ պարտքերի դեպքում վճարել համապատասխան գումարը: Եթե Դուք ձեռք եք բերել բջջային հեռախոս Orange Դելֆին, Պանտերա կամ Թիթեռ սակագնային պլանների համար նախատեսված բացառիկ գնով և ունեք չավարտված պարտավորություն, ապա վճարում եք նաև բաժանորդային պայմանագրով սահմանված գումարները և տուգանքը: Orange Խոսենք ծառայությանն անցում կատարելու դեպքում փոփոխությունը կսկսի գործել փոփոխությունը կատարելու օրվան հաջորդող ամսվա 1-ից:

Եթե Դուք բացասական հաշվեկշիռ չունեք և Ձեր հաշվեկշռին ունեք չսպառված գումար (կատարած հավելյալ լիցքավորում), ապա այդ գումարը չի զրոյացվում և փոխանցվում է Ձեր Orange Խոսենք ծառայության հաշվեկշռին: Orange Թիթեռ-ից Orange Խոսենք ծառայության անցնելու դեպքում չօգտագործված ամսավճարը չի փոխանցվում Ձեր հաշվեկշռին:

Դիմումը/համաձայնագիրը ներկայացնելու պահից Դուք այլևս չեք կարող օգտվել Orange Դելֆին, Պանտերա կամ Թիթեռ սակագնային պլանների համար նախատեսված բացասական հաշվեկշռի սահմանաչափից: Եթե արդեն սպառել եք Orange Դելֆին, Պանտերա կամ Թիթեռ-ի Ձեր սակագնային պլանում ներառված րոպեները, գումարը, SMS-ները, ՄԲ-երը և բացասական հաշվեկշռի սահմանաչափը, ապա Orange-ի ծառայություններից օգտվելու համար անհրաժեշտ է վերալիցքավորել հաշիվը:

Անցում կատարելիս պահպանվում են Ձեր կուտակած բոնուսային միավորները, դրական հաշվեկշիռը, ավտոմատ ակտիվացված առաջարկները, Ձեր ընտրած սիրելի համարը, ինչպես նաև ակտիվ ծառայությունների փաթեթները, որոնք նախատեսված են նաև Orange Խոսենք ծառայության համար:

Անցում  Orange Դելֆին, Թիթեռ կամ Պանտերա սակագնային պլաններից Orange Առյուծ սակագնային պլանների

Եթե Դուք օգտվում եք Orange Դելֆին, Պանտերա կամ Թիթեռ սակագնային պլաններից  և ցանկանում եք դառնալ Orange Առյուծ սակագնային պլանի բաժանորդ, ապա  անհրաժեշտ է այցելել Orange խանութ, ստորագրել համապատասխան դիմում/համաձայնագիր և բաժանորդային պայմանագիր, իսկ բացասական հաշվեկշռի կամ այլ պարտքերի առկայության դեպքում` նաև վճարել համապատասխան գումարը: Orange Առյուծ-ի անցում կատարելու դեպքում փոփոխությունը կսկսի գործել փոփոխությունը կատարելու օրվան հաջորդող ամսվա 1-ից:
Եթե Դուք բացասական հաշվեկշիռ չունեք և Ձեր հաշվեկշռին ունեք չսպառված գումար (կատարած հավելյալ լիցքավորում), ապա այդ գումարը չի զրոյացվում և այն փոխանցվում է Ձեր Orange Առյուծ-ի հաշվեկշռին: Orange Թիթեռ-ից Orange Առյուծ անցնելու դեպքում չօգտագործված ամսավճարը չի փոխանցվում Ձեր հաշվեկշռին: Դիմումը/համաձայնագիրը ներկայացնելու պահից Դուք այլևս չեք կարող օգտվել Orange  Դելֆին, Պանտերա և Թիթեռ սակագնային պլանների համար նախատեսված բացասական հաշվեկշռի սահմանաչափից և եթե արդեն սպառել եք Դելֆին, Պանտերա և Թիթեռ սակագնային պլաններում ներառված րոպեները, գումարը, SMS-ները, ՄԲ-երը և բացասական հաշվեկշռի սահմանաչափը, Orange-ի ծառայություններից օգտվելու համար անհրաժեշտ է վերալիցքավորել հաշիվը:

Անցում կատարելիս Ձեր կուտակած բոնուսային միավորները և Ձեր ընտրած սիրելի համարը չեն պահպանվում, սակայն Ձեր դրական հաշվեկշիռը, ավտոմատ ակտիվացված առաջարկները, ինչպես նաև`ակտիվ ծառայությունների փաթեթները, որոնք նախատեսված են նաև Orange  Առյուծ-ի համար, պահպանվում են: 

Ձեր Orange հաշիվը կարող եք վճարել.

• Orange-ի վերալիցքավորման քարտերով
• 74 Orange խանութներում
• ավելի քան 6000 կրպակներում և այլ խանութներում, ինչպես նաև` Երևան Սիթի, Սթար, Ֆրեշ և ՍԱՍ սուպերմարկետներում
• ArCa համակարգի բոլոր բանկոմատներով
• MegaPay, TelCell, Tandem վճարման տերմինալներով
• Հայփոստի ավելի քան 900 բաժանմունքներում Հայաստանի բոլոր քաղաքներում և գյուղերում
• հետևյալ բանկերում` 
  Ամերիաբանկ
  Առէկսիմբանկ-Գազպրոմբանկի խումբ 
  ԱԿԲԱ-Կրեդիտ Ագրեկոլ Բանկ 
  Արարատ բանկ 
  Կոնվերս բանկ 
  Յունիբանկ 
  ՎՏԲ-Հայաստան բանկ 
  Հայէկոնոմբանկ
  Արդշինինվեստբանկ 
  ԷՅՉ-ԷՍ-ԲԻ-ՍԻ Բանկ 
  Զարգացման Հայկական Բանկ 
  Անելիք բանկ 
  ՊրոԿրեդիտ բանկ 
  Ինեկոբանկ
  Արցախ բանկ 
  Հայբիզնես բանկ

Վճարումը բանկային փոխանցմամբ կատարելու համար խնդրում ենք յուրաքանչյուր հաշիվ-ապրանքագրի դիմաց փոխանցումը կատարել "ՎՏԲ - Հայաստան Բանկ" ՓԲԸ - ի 16048054007108 հաշվեհամարին` նշելով Ձեր Orange հաշիվը, որը կգտնեք «տվյալներ» հատվածում:

Orange Դելֆին, Պանտերա և Թիթեռ սակագնային պլանների համար վճարումն անհրաժեշտ է կատարել մինչև յուրաքանչյուր ամսվա 20 -ը, ընդ որում` վճարում եք ինչպես տվյալ ամսվա ամսավճարը, այնպես էլ նախորդ ամսվա բացասական հաշվեկշիռը` դրա առկայության դեպքում: Ամսավճարն անհրաժեշտ է վճարել, եթե անգամ ծառայությունից չեք օգտվել, օրինակ երկրից բացակայելու պատճառով: Եթե մինչև վճարման օրը Ձեր հաշվեկշիռը լիցքավորել եք Ձեր ամսավճարի չափով կամ ավելի, ապա ընթացիկ ամսվա ամսավճարը և նախորդ ամսվա բացասական հաշվեկշիռը գանձվում է տվյալ գումարից: Ամսվա ընթացքում ներառված րոպեները, գումարը, SMS-ները, ՄԲ-երը և բացասական հաշվեկշռի սահմանաչափը սպառելու դեպքում կարող եք շարունակել օգտվել Orange-ի ծառայություններից` պարզապես լիցքավորելով Ձեր հաշիվը: Ձեր սակագնային պլանում ներառված րոպեները, գումարը, SMS-ները և ՄԲ-ները ամբողջությամբ չսպառելու դեպքում դրանք զրոյացվում են և չեն տեղափոխվում հաջորդ ամիս: Եթե Դուք մի քանի հեռախոսագիծ ունեցող Orange Դելֆին, Պանտերա և Թիթեռ սակագնային պլանների բաժանորդ եք, վճարում եք բոլոր հեռախոսագծերի համար ինչպես տվյալ ամսվա ամսավճարները, այնպես էլ առկայության դեպքում նախորդ ամսվա բացասական հաշվեկշիռը` մինչև յուրաքանչյուր ամսվա 20-ը: Ներկայացված հաշիվն ամբողջությամբ չվճարելու դեպքում բոլոր հեռախոսագծերը ժամանակավորապես ապաակտիվացվում են: Ակտիվացված բոլոր հեռախոսագծերը կօգտվեն միևնույն բացասական հաշվեկշռի սահմանաչափից: Եթե հեռախոսագծերից մեկի հաշվեկշիռը հասնում է ընդհանուր սահմանաչափին, բոլոր հեռախոսագծերը ժամանակավորապես ապաակտիվացվում են:

Orange Դելֆին, Պանտերա և Թիթեռ սակագնային պլանն ակտիվանում է, երբ համապատասխան սակագնային պլանին բաժանորդագրվելու ժամանակ վճարում եք ամսավճար` սակագնային պլանով սահմանված չափով:

Orange Դելֆին, Պանտերա կամ Թիթեռ սակագնային պլանների համար նախատեսված բացառիկ գնով հեռախոսների ձեռքբերման առաջարկի շրջանակներում բջջային հեռախոս գնելու դեպքում բաժանորդագրվելու ժամանակ ամսավճարից բացի վճարում եք նաև բջջային հեռախոսի համար սահմանված վճարը:

Ծառայությունն ակտիվ կլինի մինչև հաջորդ ամսվա 20-ը: Ակտիվ շրջանում և դրան հաջորդող ամսվա 20-ը ներառյալ կարող եք ամբողջությամբ օգտագործել Ձեր սակագնային պլանում ներառված րոպեները, գումարը, SMS-ները և ՄԲ-երը (եթե առկա են), ինչպես նաև բացասական հաշվեկշռի սահմանաչափի շրջանակում օգտվել այլ ծառայություններից` զանգեր ընդունել և զանգել ցանկացած ուղղությամբ, ուղարկել և ստանալ կարճ և մուլտիմեդիա հաղորդագրություններ, օգտագործել GPRS և այլ ծառայություններ: Ծառայությունների փաթեթների ակտիվացման, ինչպես նաև Իմ Orange, Orange զրույց, Orange աշխարհ ծառայություններից օգտվելու համար հաշվեկշռին անհրաժեշտ է ունենալ լիցքավորած հավելյալ գումար: Վերջինիս բացակայության դեպքում այդ ծառայություններից օգտվելիս գանձումը կատարվում է բացասական հաշվեկշռի սահմանաչափից:

Բացասական հաշվեկշռի սահմանաչափից կարող եք օգտվել ակտիվ շրջանում և դրան հաջորդող ամսվա 20-ը ներառյալ, ընդ որում` յուրաքանչյուր ամսվա սկզբին բացասական հաշվեկշիռը Ձեզ տրամադրվում է ամբողջությամբ` ակտիվ շրջանի և դրան  հաջորդող ամսվա համար առանձին-առանձին` ըստ սակագնային պլանի: Մինչև վճարման օրը (յուրաքանչյուր ամսվա 20-ը) վճարում չկատարելու դեպքում Ձեր ծառայությունն անցնում է պասիվ շրջան: Պասիվ շրջանը տևում է մինչև ընթացիկ ամսվան հաջորդող ամսվա ավարտը: Այս շրջանում Դուք կարող եք միայն ընդունել զանգեր, ստանալ կարճ և մուլտիմեդիա հաղորդագրություններ և կատարել զանգեր միայն առաջին օգնության անվճար համարներին: Ի դեպ, Ձեր հաշվեկշիռը, բոնուսային միավորները, ակտիվ ծառայությունների փաթեթները և ավտոմատ ակտիվացված առաջարկները պահպանվում են նաև պասիվ շրջանում, սակայն Դուք չեք կարող դրանք օգտագործել:

Պասիվ շրջանում ցանկացած պահի կարող եք վերաակտիվացնել բոլոր ծառայությունները` պարզապես վճարելով նախորդ ամիսների և, ընթացիկ ամսվա ամսավճարները և բացասական հաշվեկշռից օգտագործված գումարը: Այնուհետև Դուք հնարավորություն կունենաք օգտագործել Ձեր բոնուսային միավորները, ծառայությունների փաթեթները և ավտոմատ ակտիվացված առաջարկները, եթե դրանց վավերականության ժամկետը չի լրացել: Պասիվ շրջանում ամսավճարը ենթակա է գանձման:

Եթե մինչև պասիվ շրջանի ավարտը Դուք չեք վճարում գոյացած պարտքերը, ծառայության մատուցումը 1 ամիս ժամկետով ապաակտիվացվում է, որի ընթացքում դուք դեռևս ունեք հնարավորություն վերաակտիվացնել բոլոր ծառայությունները` պարզապես վճարելով չվճարված ամսավճարները, առկա բացասական հաշվեկշիռը, ինչպես նաև ուշ վճարման համար սահմանված տույժերը: Այս ընթացքում առկա բոնուսային միավորներն ապաակտիվացվում են:

Եթե մինչև ծառայության կասեցման ժամկետը լրանալը պարտքն ամբողջությամբ չմարեք, Ձեր բոնուսային միավորները կզրոյացվեն և բաժանորդային պայմանագիրը Orange-ի կողմից կարող է միակողմանի լուծվել առանց Ձեզ լրացուցիչ տեղեկացնելու` Ձեր հեռախոսահամարը հատկացնելով այլ բաժանորդի: Այդ դեպքում ծառայության վերաակտիվացումը կատարվում է ընդհանուր հիմունքներով: